Minsan Sa Silid Aklatan

Sa aking pag-iisa
Kasama ang mga aklat
Nakatiwang-wang sa lamesa't
Inaamag ang pabalat

Ang pahinang maalikabok
Na naninilaw sa kalumaan
Dinidinig nito ang tibok
Ng puso ko'ng may kahinaan

Sa bintana ko'y tanaw
Ang kaway ng mga dahon
Na sa puno'y ginagalaw
Ng mga engkanto sa hapon

Lagi sa dakong tahimik
Sa mata ko'y nagpatalim
Tumakbo man ang mga titik
At magtago sa dilim

Ngayon sa paglamong marahan
Ng gabi at pagtahan ng ihip
Sa hapong may kapighatian
Ang mundo ko'y sinisilip

Damdami'y walang lungkot
Sa pag-iisang sinadya
Maging hangin may sangkot
Sa pagbuo ng tula

[English]

Once In The Library

In my loneliness
Accompanied by books
Laid on the table
Molds on its cover

The dusty page
Yellowing of age
Hears the heartbeat
of my weak heart

Behind the windows, i see
The waving of the leaves
Of the trees being moved
By Elves of the afternoon

Always on a silent nook
My eyes are sharpened
If the letters should run
And hide in the shadows

Now, the slow swallowing
Of night and the breezes pause
On a lonely afternoon
The world i peak

My gloom less mood
A deliberate loneliness
Even the winds have part
On wielding poem